Shitësi 23-vjeçar nga Kanadaja ka përjetuar një situatë shumë të frikshme gjatë procesit të shitjes së një makine. Teksa ai po reklamonte makinën BMW, personi i interesuar i ka kërkuar që të futet brenda për të bërë një telefonatë, dhe sapo është futur ka ndezur makinën dhe është larguar. I riu, në tentativë për ta ndaluar, është hedhur mbi kofano, duke u mbajtur te fshirëset e xhamave. Pamjet e publikuara tregojnë ngjarjen dramatike, ndërsa shihej si shoferi tentoi të bënte manovra që të rrëzonte 23 vjeçarin nga makina.
23-vjeçari Moe Al-Kaissy Al-Kaissy më në fund pati mundësi të hidhej nga makina, kur shoferi ngadalësoi pranë një kryqëzimi, por ka pësuar disa lëndime në këmbë. Edhe pas shkëputjes nga makina, Al-Kaissy shpëton për mrekulli, pasi rrezikon të goditet nga një tjetër makinë, tip Audi, të cilën po e ngiste bashkëpunëtori i hajdutit.
