Ish-ministëri i Drejtësisë, Eduard Halimi ka shpjeguar sot në mënyrë të qartë çështjet kryesore të draft opinionit të Komisionit të Venecias. Eksperti i njohur i drejtësisë, u shpreh në një intervistë për “Ora News” se Komisioni i Venecias nuk ka gjetur asnjë shkelje kushtetuese të Presidentit Ilir Meta në vendimet e marra për anulimin e 30 qershorit.
“Presidenti s’ka shkelur asnjë nen të kushtetutës”,- deklaroi Halimi. Ai u shpreh se draft opinioni i Komisionit të Venecias, tregon se “Presidenti ka ushtruar kompetencat e tij dhe te askujt tjetër”.
Juristi ka shpjeguar dhe termin tejkalim mbi të cilin po abuzohet nga ana e përfaqësuesve të PS-së për draftin e Venecias. Ai tha se “Kushtetuta nuk njeh term tejkalim, por vetëm shkelje dhe në asnjë rresht të raportit nuk thuhet se Presidenti ka shkelur Kushtetutën”.
