Një gjest jo i hijshëm i ka kushtuar shtrenjtë një politikani në SHBA. Gjatë një videokonference Chris Platzer, anëtar i komisionit të planifikimit ekonomik të Vallejo-s, në Kaliforni, ka hedhur macen tej pasi ia ka prezatuar të gjithë anëtarëve të tjerë. Një gjest që nuk mbeti brenda asaj videoconference filloi të qarkullojë në internet derisa ai u detyrua të jepte dorëheqjen. Ngjarja ka ndodhur më 20 prill kur politikani ishte në një video konferencë punë në kohën e koronavirusit.
“Më parë dua t’ju prezantoj macen time”- ka thënë Chris Platzer. Pak çaste më vonë ai e hedh tek atë me të dyja duart. Disa nga kolegët e tij mbetën të habitur nga gjesti i politikanit. Më pas ai ka kërkuar edhe falje për gjestin e tij.
“Gjatë mbledhjes nuk u solla siç i ka hije një një komisioneri përgjegjës për planifikimin dhe kërkoj falje për çdo dëm që mund të kem shkaktuar. Të gjithë jetojmë në periudha të pasigurta dhe unë, si shumë prej jush, jam duke u përshtatur me një normalitet të ri”- tha Chris Platzer. Por hedhja e maces nuk është sjellja e vetme e papërshtatshme e komisionerit. Gjatë së njëjtës lidhje ai ishte parë duke pirë birrë.
