Dje shënonte data 20 shkurt, e cila është një ditë e shënuar në historinë e vendit, ku mijëra studentë dhe qytetarë rrëzuan bustin e diktatorit Enver Hoxha.

Në këtë ditë gazetari Bledian Koka ka kujtuar gazetarin e guximshëm të RTSH Alfons Gurashi, i cili në vitin 1991 gjatë përgatitjes së kronikës për ngjarjen e 20 shkurtit, ka komentuar përplasjen mes sampistëve dhe protestuesve para godinës së RTSH-së duke futur fjalë që askush nuk guxoi ta bënte.

“Punonjesit e TVSH-se, thirren me te madhe. Hej cpo beni, ndaj kujt po qe lloni?”, ishin këto disa fjalë të gazetarit të ndjerë në kronikën dedikuar 20 shkurtit.

“Në kronikën emblematike të TVSH-së për ngjarjen e 20 Shkurtit, në tekst teksa komenton përp lasjen mes sampistëve dhe protestuesve para godinës së RTSH-se kishte futur në tekst këto fjalë te guxuara për kohen: “Punonjesit e TVSH-së, thirren me të madhe. Hej çpo bëni, ndaj kujt po që lloni?”. Mund të duken fjalë të rëndomta, por me besoni keto fjalë nuk guxon asnjë gazetar i TVSH-së sot ti shkruaje ne një tekst kronike fjala vjen të një proteste të opozitës së sotme”, thotë Koka në postimin e tij.

Gazetari Alfons Gurashi njihet dhe mbahet mend si nje nga gazetaret më të hershëm të Radio Televizionit publik Shqiptar. Nuk është e nevojshme të hysh në arkivat e RTSH-së, për ta kujtuar pasi imazhi dhe timbi i zërit te tij është i njohur, jo vetëm për ata që e ndiqnin në edicionet e lajmeve, në të vetmin ekran televiziv në Shqipëri, por edhe për më të rinjtë. Më shumë se 30 vjet punë në RTSH kronika, intervista, reportazhe nga çdo kënd i Shqipërisë ka lënë gjurmë, por sot kujtohet për guzimin që pati të komentojë përpl asjen për shembjen e bustit.

Postimi i Kokës:

I ndrite shpirti gazetarit Alfons Gurashi
Ne kroniken emblematike te TVSH-se per ngjarjen e 20 Shkurtit, ne tekst teksa komenton perpl asjen mes sampisteve dhe protestuesve para godines se RTSH-se kishte futur ne tekst keto fjale te guxuara per kohen:

“Punonjesit e TVSH-se, thirren me te madhe. Hej cpo beni, ndaj kujt po qe lloni?”. Mund te duken fjale te rendomta, por me besoni keto fjale nuk guxon asnje gazetar i TVSH-se sot ti shkruaje ne nje tekst kronike fjala vjen te nje proteste te opozites se sotme.

p.s…sapo ridegjova kroniken origjjnale te Gurashit te 20 Shkurtit 1991, dhe ishte nje manual profesionalizmi qe veshtire e gjen sot! RIP mjeshter