Albi Hoxha, pjesë e Urgjencës së Pediatrisë në QSUT punon me përkushtim dhe me solidaritet në vijën e parë të frontit të luftës. Përmes rubrikës “Heronj shqiptarë”, deputeti i Partisë Socialiste, Ervin Bushati solli sot një tjetër shembull përkushtimi në detyrë. Prej 2 vitesh Albi punon si koordinator në Spitalin e Fëmijëve. Sot ai gjendet në vijën e parë të frontit të luftës. Puna e tij konsiston në koordinimin e pacientit me mjekun e infermierin, si dhe në hedhjen e të dhënave të pacientëve, në sistem në momentin që shfaqen pranë ambientit të Pediatrisë. Albi drejton dhe sqaron çdo njeri për paqartësitë, ndërsa punon me 3 turne.
“Ndonëse në këtë kohë të virusit COVID-19, spitali ynë ka qenë më qetë se të tjerët, unë së bashku me të gjithë stafin që punoj, kemi qenë, jemi dhe do të jemi në gatishmëri që nga fillim i pandemisë e deri në fund dhe jo vetëm, por çdo ditë tjetër për të gjithë fëmijët. Do ia dalim”, u shpreh Albi.
