“Ndoshta mund të mos shpëtosh botën, por mund të shpëtosh njeriun që ke përballë.” Me këtë moto punon përditë Ariela Malaj, shefe e Shërbimit Parësor për Tiranën në Autoritetin Rajonal Shëndetësor. Përmes rubrikës “Heronj shqiptarë”, deputeti i Partisë Socialiste, Ervin Bushati solli shembullin e Arielës, e cila prej 6 vitesh punon edhe si mjeke duke i shërbyer çdokujt që ka nevojë.
“Përkushtim dhe forcë mbinjerëzore në këtë kohë. Sot, dr. Malaj është në vijën e parë të frontit duke punuar për gjurmimin, hetimin dhe evidentimin e rasteve. Në krye të detyrës dhe me shumë profesionalizëm, dr. Ariela Malaj gjendet në krahë të pacientëve”, tha ai.
