Përfundon procesi i deklarimit të formularëve të pasurisë për 35 kandidatët e kualifikuar si agjentë të BKH-së. Deklaratat janë dorëzuar nga kandidatët me email Komisionit të Byrosë Kombëtarë të Hetimit. Anëtarët e Komisionit do të verifikojnë pasuritë e tyre dhe të familjarëve të tyre.

Burime pranë Komisionit bëjnë me dije se disa prej kandidatëve nuk i kanë plotësuar sipas ligjit deklaratat e pasurisë. Pas përfundimit të këtij procesi, të kualifikuarit do ti nënshtrohen testit të poligrafit, që do bëhet nga anëtarë të SHÇBA-së, kreu i SPAK-ut dhe anëtarët e Komisionit. Ndërkohë, për vakancat për plotësimin e 60 hetuesve të BKH-së, gara pritet që të rihapet sërish në fillim të vitit 2021.