Elizabeta Ejupi është një futbolliste shqiptare e Kosovës që ka tërhequr vëmendjen e mediave në Angli.
24-vjeçarja sot luan për ekipin Çarlton dhe është një nga më të dalluarat te kjo skuadër.
Ejupi ka shkuar në moshën 3 vjeçare në Londër, së bashku me prindërit dhe vëllain e madh si emigrantë.
Për “Telegraph” ajo rrëfen:
“Kishte masakra, vrasje dhe na duhej të iknim për të shpëtuar. Prindërit duhet të linin gjithçka. Kushërinjtë dhe xhaxhallarët shkuan në Zvicër. Ju mund ti gjeni kudo shqiptarët për shkak të kësaj lufte. Kur u larguam mendova se po shkonim për pushume jashtë vendit. Ende i kujtojmë rrënjët dhe kulturën tonë. Nuk kemi thënë asnjëherë se do ta harrojmë”.
