Mbrëmjen e sotme në emisionin ‘Dua të të bëj të lumtur’ u transmetua historia e Stilianit dhe Ersoneldës që mund të themi një dashuri e pamundur. Ersonelda është një vajzë jetime e cila jeton me gjyshërit motrën dhe vëllai. Ajo është e dashuruar me Stilianin, por gjyshërit e saj nuk janë dakord për dy arsye ; Së pari sepse ata pretendojnë se kanë lidhje gjaku dhe së dyti mendojnë se mbesa e tyre meriton një njeri më të mirë dhe me kushte më të mira jetese.
Gjatë transmetimit të emisionit Ersonela shoqërohej nga disa familjarë të cilët u irrituan për pjesëmarrjen e Stilianit. Për të Stiliani është një njeri i rëndësishëm por i pamundur. Mes lotësh dhe dridhjesh Stiliani i propozoi martesë dhe vajza e gjendur në një situatë të vështirë shprehet: “Nëse e pranoj do të shkëputem nga familja, por nëse se pranoj do të detyrohem të largohem prej tij dhe unë nuk do të jem e njëjta”.
