Policia e Tropojës ka arrestuar drejtuesin teknik të minierës, ku një ditë më parë humbën jetën dy minatorë.
Uniformat blu bëjnë me dije se në pranga ka rënë shtetasi A.R, 45 vjeç, banues në Bajram Curri me detyrë drejtues teknik në subjektin për shfrytëzimin e kromit.
Arrestimi i 45-vjeçarit u bë pasi në fshatin Lajthizë, ditën e djeshme, për shkak të mosmarrjes së masave për sigurimin teknik nga ana e tij, në galerinë minerare, humbën jetën dy puntorët, Adin Dautaj 41 vjeç dhe Afrim Zhutaj, 43 vjeç.
Ndërkohë, materialet i kaluan Prokurorisë së Rrethit Gjyqësor Tropojë, për veprën të mëtejshme.
Njoftimi i plotë i policisë:
Tropojë, Arrestohet në flagrancë drejtuesi teknik i subjektit për shfrytëzimin e mineralit të kromit, ku ditën e djeshme, humbën jetën dy punonjës.
Specialistët e Seksionit për Krimet në Komisariatin e Policisë Tropojë arrestuan në flagrancë për veprën penale “Shkelja e rregullave të mbrojtjes në punë”, shtetasin:
A. R., 45 vjeç, banues në Bajram Curri, me detyrë drejtues teknik në subjektin për shfrytëzimin e kromit.
Arrestimi i tij u bë sepse më datë 19.03.2022, në fshatin Lajthizë, për shkak të mosmarrjes së masave për sigurimin teknik nga ana e tij, në galerinë minerare, kanë humbur jetën dy punëtorë, shtetasit A. D., 41 vjeç dhe A. Zh., 40 vjeç.
Materialet i kaluan Prokurorisë së Rrethit Gjyqësor Tropojë, për veprën të mëtejshme.
