Njihuni me Leonard Barry Weller, 72 vjeçari nga Hastings që humbi rrugën dhe jetoi pa ujë dhe bukë në xhungël për 3 ditë. DailyMail shkruan se i moshuari po udhëtonte me motoçikletë për të vizituar miqtë në provincën Khon Kaen, në verilindje të vendit, kur humbi rrugën në pyje të dendura .
Pasi u gjet dhe u ribashkua me bashkëshorten, i moshuari tha se ka qenë shumë i lumtur në atë aventurë 3 ditore, larg qytetërimit. Ai tha se kishte pirë nga pellgjet nëpër një kashtë bari, ka ngjitur pemë për të provuar dhe parë një rrugë drejt sigurisë, por papritmas u godit nga një stuhi shiu dhe nuk kishte zgjidhje tjetër përveçse të flinte natën në xhungël.
Dhe në mënyrë të pabesueshme, pensionisti i uritur duroi tre ditë pa ushqim dhe mbijetoi duke përdorur një copë bar si një kashtë për të pirë ujë shiu nga pellgjet. Bashkëshortja e tij e tmerruar ka kërkuar ndihmë, dhe pas ditësh ai u gjet.
“Unë jam mrekullisht i lumtur, kurrë nuk kam qenë kaq i lumtur në jetën time. Këmbët e mia janë të lënduara, përndryshe unë jam i lumtur. Unë thjesht admiroj punën që po bëjnë këta njerëz, kjo më bën të qaj”, tha ai kur takoi gruan e tij.
Leonard, i cili ka jetuar në Tajlandë për rreth 15 vjet, tha se parkoi motorin e tij për të ecur në një kodër, por më pas harroi drejtimin e kthimit “kështu që vazhdoi të ecë përpara”.
