Mbrëmjen e djeshme 17-vjeçari Kristjan Vasili humbi jetën si pasojë e një aksidenti në aksin Tiranë-Elbasan, ndërkohë policia ka njoftuar se ka arrestuar drejtuesin e makinës për veprën penale “Shkelje e rregullave të qarkullimit rrugor”.
18-vjeçari me iniciale F.F ka drejtuar automjetin tip ‘benz’ ku ndodhej edhe viktima Kristian Vasili. Sipas policisë mjeti i tyre ka humbur kontrollin duke u përplasur me automjetin tip “Porsche”, i cili ishte ndaluar në sensin e djathtë të rrugës.
Nga përplasja mbetën të lënduar Alban Dervishaj dhe Rei Oka të cilët janë jashtë rrezikut për jetën. Materialet hetimore i kaluan Prokurorisë pranë Gjykatës së Shkallës Parë Tiranë, për veprime të mëtejshme.
