Në studion e emisionit “Arena”, në RTV Ora nuk kanë munguar shkëmbimet e ironive mes dy përfaqësuesve politikë.Deputeti socialist, Alket Hyseni citon se në 2017, pas hapjes së kutive PS doli me 70 vota në disfavor, vijoi të thotë se forca e tij politike gjithmonë është vjedhur nga PD e LSI. Kjo nuk i shpëtoi deputetit të Bindjes Demokratike, Andi Përmeti i cili ironizoi duke thënë se tani duhet ta mbështesim PS-në.
Diskutimi në studio:
Hyseni: Në 2017 janë hapur kutitë. Janë numëruar me kamera dhe në qarkun e Tiranës nga 200 mijë vota lëvizën 70 vota. Po pse ky është problemi? Dhe lëvizën në disfavor të PS-së. Ne gjithmonë jemi vjedhur nga vota. Na kanë marrë vota pafund PD, LSI e të tjerë.
Përmeti: Ju jeni për gjynah. Hajde t’ju mbështesim.
Hyseni: Problemi është që hajde të gjejmë atë që as ne mos të vidhemi dhe as ne mos të vjedhim vota.
