Një vajzë 16-vjeçare ka humbur jetën në Montefalcione (Avellino), Itali, pasi ra në kontakt me rrymën elektrike.
Mariantonietta Cutillo ishte në vaskë dhe po fliste në celular me një mikeshën e saj, kur telefoni që po karikohej, i rrëshqiti nga dora dhe ra në ujë duke shkaktuar një qark të shkurtër.
Ka qenë mikesha me të cilën po bisedonte 16-vjeçarja që ka ngritur alarmin. Stafi i 118 arriti të konstatonte vetëm vdekjen e të resë, vajzës së një tregtari të njohur lokal. Policia po heton rastin. Trupi i pajetë është transferuar në spitalin “Moscati” në Avellino, raporton TgCom24.
