Policia ka ndaluar në pikën e kalimit të Muriqanit një 56-vjeçar, i shpallur në kërkim ndërkombëtar nga autoritetet italiane të drejtësisë.
Bëhet fjalë për shtetasin Spartak Joanu, banues në Fier, për të cilin Gjykata e Apelit të Ankonës ka shpallur vendimin për dënimin me 16 vite e 4 muaj burg.
Ai është gjykuar për veprat penale “Grup kriminal në trafikimin e lëndëve narkotike” dhe “Grup kriminal me qëllim shfrytëzimin e prostitucionit”, në zbatim të legjislacionit penal italian.
Interpol Tirana, në bashkëpunim me Interpol Romën, do të kryejë procedurat për ekstradimin e 56-vjeçarit në Itali.
