Policia e Tiranës njoftoi mëngjesin e sotëm se ka vënë në pranga 19-vjeçarin Jehon Breçani, pasi dje aksidentoi rëndë 24-vjeçaren shtatëzënë. Kjo e fundit, si pasojë, ka humbur një këmbë.
“Specialistët e Qarkullimit Rrugor bënë arrestimin në flagrancë të shtetasve: J. B., 19 vjeç, pasi ditën e djeshme në rrugën “Xhanfize Keko”, ka aksidentuar këmbësoren shtetasen Xh. G., 24 vjeçe, e cila ndodhet në spital, nën kujdesin e mjekëve”, njofton policia.
Një ditë më parë u bë me dije se djali i ish- drejtuesit të policisë së Tiranës Erzen Breçani, autori i ngjarjes, po ecte në shpejtësi duke përfunduar në trotuar, ku ishte edhe 24-vjeçarja.
