Drejtuesi i prezencës së OSBE-së, në Tiranë, Bernd Borchardt do të largohet nga Shqipëria. Diplomati gjerman shkruan se më 2 shtator ai do të lerë vendin tonë, pasi i përfundon mandati. Kujtojmë se Borchardt ka qenë një figurë mjaft kontroverse dhe shpesh deklaratat e tij janë konsideruar nga opozita si të anshme. Një prej incidenteve më të bujshme ku ai u përfshi, ishte momenti kur i tregoi gishtin e mesit disa protestuesve, reagim që revoltoi tej mase qytetarët dhe solli deklarata të ashpra të Presidentit të Republikës, Ilir Meta. “Pas shtatë vitesh në Shqipëri dhe katër vjet si Shef i Prezencës së OSBE-së, tani jam duke arritur gjatësinë maksimale të një mandati të Shefit të Misionit. Unë jam duke u larguar nga Shqipëria në 2 Shtator“, – shkruan Borchardt.
Mesazhi i plotë: Të dashur miq dhe kolegë, Pas shtatë vitesh në Shqipëri dhe katër vjet si Shef i Prezencës së OSBE-së, tani jam duke arritur gjatësinë maksimale të një mandati të Shefit të Misionit. Unë do të largohem nga Shqipëria më 2 Shtator.
Pas kaq vitesh do të qëndroj në kontakte me Shqipërinë dhe me shumë miq këtu. Jam i sigurt se do të takoj shumë prej jush kur të vizitoj këtë vend të bukur dhe interesant. Ju falënderoj për gjithë bashkëpunimin dhe mbështetjen tuaj. Më vjen keq që në kushte COVID nuk mund të ju ftoja për një pritje lamtumire ose për një takim tjetër personal. OSBE është në proces të rekrutimit të pasardhësit tim. Në ndërkohë, për çdo pyetje programatike, ju lutemi kontaktoni znj. Jelena McCoy ([email protected]), për çdo pyetje të administrimit të misionit, ju lutemi kontaktoni z. Alexandru Murzac ([email protected]). Për çështje politike, ju lutemi kontaktoni z. Laurentiu Stinga ([email protected]).
