Një baba që detyroi mikun e tij më të mirë të vriste veten është liruar nga burgu pasi kreu vetëm gjashtë muaj nga një dënim prej 18 muajsh.
Vyacheslav (Slava) Matrosov, 35 vjeç nga Rusia, u burgos për 18 muaj pasi zbuloi se miku i tij kishte abuzuar seksualisht me vajzën e tij.
Më pas ai e detyroi abuzuesin seksual të fëmijës, Oleg Sviridov, 32 vjeç, të gërmonte varrin e tij në një pyll dhe më pas të vriste veten.
Dyshja patën një përleshje, e cila përfundoi me Matrosov që varrosi kufomën e shokut të tij në një varr të pashënuar.
Sviridov kishte abuzuar vazhdimisht seksualisht me vajzën e Matrosovit, e cila në atë kohë ishte vetëm gjashtë vjeçe.
Pasi ka dalë para kohe nga burgu, babai ka festuar duke postuar në rrjetet sociale një foto me gruan e tij Natalya, 35 vjeç, së bashku me fjalët: “Shtëpi. Shumë dashuri.”
Matrosov fillimisht u mbajt nën dyshimin për vrasje, por kjo shkaktoi një protestë publike në Rusi.
Në prill, ai u dënua për “nxitje” të mikut të tij “në vetëvrasje” nga Gjykata Krasnoglinsky në Samara dhe u dënua me 18 muaj në një koloni penale ruse të regjimit të rreptë, por tani ky afat është shkurtuar, duke cuar në lirimin e tij.
