Dje në mbrëmje në rrugën ‘Vllazërimi’ në Durrës humbën jetën dy gra shqiptare, vjehrrë e nuse.
E pavarësisht se emri i rrugës nënkupton diçka të mirë, vetë rruga ka marrë jetën e rreth 24 personave brenda pak viteve.
Ditën e djeshme humbën jetën Bukurie Cufaj, 62 vjeç dhe Sabrije Cufaj, 40 vjeçare. Një 22 vjeçar që po drejtonte një makinë të tipit Bmë i ka goditur duke i lënë të vdekura në vend gratë.
Fotot e tyre tashmë janë shpallur në shtyllat përreth, ashtu siç edhe i ka publikuar Panorama.
Për shkak të gjendjes së keqe të rrugës e veçanërisht mungesës totale të sinjalistikës, rruga në zonën e ish kënetës është kthyer në një shqetësim serioz për banorët. Të shumtë kanë qenë ata durrsakë të cilët sot kanë dalë në protestë pikërisht në vendin dhe ku humbën jetën dy gratë shqiptare.
