Olta Gixhari para pjesëmarrjes në “Big Brother VIP” ka qenë shumë hermetike për jetën e saj personale. Ajo nuk e ka zbuluar ende identitetin e partnerit teksa edhe djalin e ekspozon rrallë.
Së fundmi, aktorja ka ndarë edhe historinë e rrallë të njohjes me partnerin e saj. Ajo tha se janë takuar në Spanjë dhe se nuk e kishte menduar kurrë se ai do e pëlqente. Madje Olta zbuloi se i kishte thënë shoqes së saj të krijonte një lidhje me të.
“U pamë në Spanjë dhe aty u kujtova se e kisha parë shumë vite më parë. U pëballëm dhe unë ngela. I thashë: “Ua sa i bukur qenke bërë ti”. Insistoja dhe i thoja shoqes sime “Kape se është shumë i mirë”. Mua më pëlqente shumë, por isha e bindur se ai njeri nuk do më pëlqente mua. Ai ka një tip që thoja se nuk do shkojë me mua. Unë jam shumë energjike, i shpreh emocionet. Jam shumë ndryshe nga ai dhe thoja se nuk i pëlqejnë gocat si unë e se do dikë më të qetë. Pastaj nuk ma priste mendja kurrë se do shkoja në Madrid dhe do takoja burrin tim. Më dukej si nëpër filma. Dhe aty na ndodhi shkëndija e parë.”- u tregoi ajo banorëve.
Po ashtu, Olta tha se ata ende nuk janë martuar dhe se po pret propozimin e vërtetë. Thënë ajo u shpreh se partneri i ka propozuar një herë pa unazë.
Mbetet për tu parë nëse ai do hyjë ta takojë aktoren në “Big Brother VIP”…
