Sot feston ditëlindjen e 40-të legjenda e futbollit, Zlatan Ibrahimovic. Suedezi pavarësisht moshës vazhdon të shkëlqejë në fushë, duke treguar në çdo ndeshje që ai nuk pyet për moshën.
Sulmuesi aktualisht është lojtar i Milanit, por gjatë karrierës së tij ai ka luajtur për Malmo, për të kaluar në Ajax, prej ku kaloi më pas në Juventus, Inter, Barcelona, Milan, PSG, Man Utd, LA Galaxy. Deri tani, ai ka zhvilluar 954 ndeshje, teksa ka shënuar 565 gola, duke fituar 31 trofe në proces. Ibracadabra ka realizuar gol në çdo vit që nga 1999-ta dhe ka realizuar po ashtu në çdo minutë të ndeshjes.
