Sulmuesi i Milanit, Zlatan Ibrahimoviç ka denoncuar publikisht kompaninë “FIFPro” duke postuar dy mesazhe në llogarinë e tij në Twitter në të cilën ai akuzon gjigantin e lojërave video “EA Sports” se janë duke përfituar prej imazhit të tij në mënyrë të paligjshme. “Dikush po bën fitime me emrin tim dhe fytyrën time pa ndonjë marrëveshje për të gjitha këto vite. Është koha për tu hetuar,” -shkruan Ibranhimoviç
Pastaj, ai poston mesazh të dytë duke pyetur se sa autoritarë po përdorin imazhin e tij. “Kush i dha leje “FIFA EA Sports” për të përdorur emrin dhe fytyrën time? Unë nuk jam i vetëdijshëm për të qenë një anëtar i “FIFpro” dhe nëse jam, unë u vendosa atje pa ndonjë marrëveshje të vërtetë përmes një manovre të çuditshme. Dhe unë sigurisht që kurrë nuk i kamë dhënë leje “FIFAcom” ose “Fifpro” për të bërë para në kurriz tim ”.
Në një deklaratë, “EA SPORTS” replikoi lidhur me pëplasjen e Ibrahiomoviçit ndaj “FIFPro” ku theksoi se “EA SPORTS FIFA” është loja kryesore në botë në video e futbollit dhe për të krijuar këtë përvojë autentike, ne kemi punuar me liga të shumta, skuadra dhe talente individuale për të siguruar vit pas viti të drejtat e lojtarëve në mënyrë që ata të përfshihen në lojën tonë video. Një nga këto marrëdhënie që kemi pasur për mjaft kohë është me përfaqësuesin global të lojtarëve profesionistë, FIFPro, i cili bashkëpunon me një numër të madh futbollistësh aktivë ose në pension për të negociuar një marrëveshje që të përfitojnë të ardhura nga shitja e imazhit të tyre”.
