Se rritja e Kylian Mbappe në vitet e fundit ka qenë e jashtëzakonshme këtë më së miri e tregon edhe deklarata e fundit të Zlatan Ibrahimovic. Ylli në rritje i Francës ka arritur të fitojë simaptinë e Zlatan Ibrahimovic. “Është 19 vjeç, dhe ne tashmë kemi një yll. Të shpresojmë që ai do të vazhdojë të punojë shumë dhe ta ruajë atë dëshirë që tregon sot për futbollin në fushë”, ka deklaruar Ibrahimovic.
“Nëse futbolli vazhdon ta magjepës atë në vitet e ardhshme, ai do të vazhdojë të rritet dhe do të fitojë shumë gjëra”. Ibrahimovic që ka luajtur në shumë skuadra të mëdha evropiane, në fund i ka dhënë edhe një këshillë Mbappe. “Është thelbësore për të që ta ketë kokën e qetë, diçka që ndonjëherë është shumë e vështirë për ta bërë”.
