Të dielën në mbrëmje, në natën finale të “Festivalit të Këngës” do të ngjiten 12 artistë në skenë.Mes tyre edhe Robert Berisha, i cili konkuron me këngën “Ajo nuk është unë”. Teksti i këngës është shkruar nga Fifi dhe që në fillim u mendua si një dedikim për Norën. Ndërsa, në rrjetet sociale ka qarkulluar lista e pretendentëve për të fituar dhe sigurisht komentet kanë qenë nga më të ndryshmet.Disa prej tyre nuk bien dakord me vendimin e jurisë dhe një komentues tregon pakënaqësi për Robert Berishën.
“Pupupupupu. Rroftë “meritokracia”. Kandidatë për të fituar Robert Berisha dhe Gena”, shkruan komentuesja. Menjëherë Roberti i është kundërvënë komentueses duke shkruar: “Pse nuk të ftuan në juri ty eksperte e muzikës. Ik futja gjumë e ha molla, se ti qenke në shpirt si mbiemri yt”, shkruan Robert Berisha.
