Një ngjarje e rëndë ka tronditur fshatin Munellë të Pukës, ku fermeri Erjon Nikolli ka raportuar në polici se është qëlluar me armë zjarri në afërsi të banesës së tij.
Nikolli, i cili jeton me bashkëshorten shtatzënë dhe fëmijët e vegjël, shpëtoi pa lëndime, ndërsa policia pas mbërritjes në vendngjarje ka nisur hetimet.
Gjatë kontrollit, efektivët kanë sekuestruar gëzhoja plumbash dhe kanë gjetur një mesazh kërcënues të shkruar në një gur pranë arës: “Ik se do të vdesësh”.
Grupi hetimor po punon për identifikimin e autorëve dhe zbardhjen e motivit të atentatit.
