Një njeri shumë i shtrenjtë për Eni Çobanin është ndarë nga jeta. Juristja ka bërë me dije lajmin e humbjes së mikeshës së saj, Migenës. Nga dedikimi i ndjerë në rrjetet sociale, ndërmjetësja e “Shihemi në Gjyq” tregon se kanë patur një marrëdhënie të afërt sa e quante “motër”.
“U ndërpre në mes një jetë e bukur dhe iku nga ne një motër e shtrenjtë si Migena Dibra. E dashur motër, largimi yt kaq i shpejtë e i papritur na la me zemër të thyer dhe na la pa fjalë, por ne nuk do të harrojmë kurrë e do të kemi me vete çdo moment vështrimin tënd të bukur, zemrën tënde të bardhë dhe shpirtin tënd të madh. Fjalët e tua të dashura, prezenca jote dinjitoze do jenë gjithmonë motivuese dhe do na mbajnë bashkë përjetë. Qofsh e xhenetit motra ime dhe shpirti yt u ndriçoftë në parajsë.”, shkruan Çobani. Në postimin në InstaStory, Eni ndan dhe brengën e saj pasi nuk ka arritur të flasë për herë të fundit me mikeshën e saj.
“Nuk do doja të shkruaja këto rreshta kurrë për ty për ty motra ime, por ikja jote më la pa frymë, po lotët e nënës tënde, po tronditja e djalit tënd të mrekullueshëm më mbushën sytë me lot dhe si ike pa më thënë dy fjalë nga ato që vetëm ti dije të më thoje plot dashuri. Mungesa jote do jetë për mua e pazëvendësueshme, ti do jetosh bashkë me ne, mike e shtrenjtë.”, shton ajo. Sipas komenteve në postimet e Çobanit, mësohet se Migena jetonte prej vitesh në Kanada. Shkaku i vdekjes ishte një sëmundje e rëndë.
