Vetëm 4 ditë pas nisjes së punës nga SPAK, “Nisma Thurje” ka dorëzuar një padi kundër ish- ministrit të Mjekësisë Ilir Beqja, me pretendimin se është abuzuar me koncesionin e sterilizimit. Ky koncesion është afera e parë për të cilën kërkohet hetim nga Prokuroria e Posaçme Antikorrupsion. Në kuadër të shpenzimeve në shëndetësi, referuar një kontrate koncensionare që Ministria e Shëndetësisë ka lidhur me një kompani që ofron shërbimin e sterilizimit për instrumentet kirurgjikale, “Nisma Thurje” pretendon se ka disa probleme. Në vitin 2018 u tha në media se faturat e sterilizimit e kanë kaluar planin e financimeve në buxhet, me 3.6 milionë euro, duke zënë 5.1% të shpenzimeve në shëndetësi. Nga ana tjetër, në padinë e “Nismës”, pretendohet se kontrata nuk është bërë publike.
“Kallëzim penal për zyrtarët publik të përfshirë në koncesionin e sterilizimit të pajisjeve kirurgjikale, të cilët mund të kenë konsumuar veprat e parashikuara në Kodin Penal për “shpërdorimin e detyrës”, “shkeljen e barazisë së pjesëmarrjes në tendera” dhe ose “korrupsionin pasiv”, duke përdorur pushtetin publik për përfitime private”, thuhet në padinë e “Nismës Thurje”.
