Qeveria Gjermane mori vendimin këtë të Mërkurë në mënyrë që shërbimet sekrete të mund të kenë akses në bisedat e koduara në grupe mesazhesh si në Messenger ose Whatsapp, masë që synon “për të luftuar më mirë terrorizmin”. Projekt-ligji, i hartuar pas një serie sulmesh nga e djathta ekstreme gjermane, u miratua këtë të Mërkurë nga Këshilli i Ministrave dhe pritet të vleresohet nga Anëtarët e Parlamentit.
Sipas tekstit, Zyra për Mbrojtjen e Kushtetutës, domethënë Shërbimet e Inteligjencës Gjermane dhe Shërbimi Kundërzbulimit Ushtarak në të ardhmen do të autorizohen të monitorojnë jo vetëm bisedat e vazhdueshme përmes Messenger por edhe ato të koduara tashmë dërguar në këtë platformë me ndihmën e “spyware” në veçanti.
“Unë nuk mund të pranoj që autoritetet tona të sigurisë nuk janë në gjendje të ndjekin penalisht armiqtë e demokracisë sonë për mungesë fuqish”,- tha ministri i brendshëm gjerman, Horst Seehofer, “Ditët e telefonave rrotullues janë zhdukur. Ne kemi nevojë për shërbime të inteligjencës që mund të shohin dhe dëgjojnë në epokën dixhitale “- tha Seehofer, duke shtuar se ligji i ardhshëm është një hap i shumëpritur në luftën kundër terroristëve dhe ekstremistëve.
