Inter nuk përfitoi nga blofi i Juves por më shumë se sa barazimi kundër Parmës, Antonio Conten e shqetëson fakti se nuk ka një organikë të mjaftueshme për të përballuar një kalendar kaq të ngjeshur. Në kushtet ku ndodhen, klubi ziklatër pritet të futet sërish në merkato për të gjetur të paktën një mesfushor, reparti ku Conte ka më shumë nevojë. Janari është ende shumë larg por në korridoret e klubit ziklatër kanë filluar të qarkullojnë emrat e parë, më saktë janë rikthyer në tavolinë dy emra jo pak të njohur, Ivan Rakitic dhe Arturo Vidal.
Mesfushori kroat nuk po gjen hapësira te Barcelona, kërkon të ndryshoj ambient dhe sipas të përditshmes spanjolle Sport, Inter shihet si destinacioni i ardhshëm. Barcelona nuk ka ndërmend të bllokoj largimin e Rakitic por jo pa marrë atë që kërkon, 35 milion euro. Si në çdo rast, edhe këtë herë pengesa më e madhe është kosto e kartonit.
Në rast se dështon pista Rakitic, një tjetër emër që Conte nuk do të ishte kundër është ai i Arturo Vidal. Jo vetëm në mesfushë, Conte është i limituar edhe në sulm: Ibrahimovic është një emër që josh jo pak ndërsa alternativa mbeten edhe Muller dhe Giroud, dy pista të rëndësishme por të vështira për janarin.
