Normat mesatare të interesit të kredive në lekë për të gjitha afatet e maturimit kanë shënuar rritje në muajin nëntor 2019. Banka e Shqipërisë, bën të ditur se, në nëntor, interesi mesatar i kredive në lekë shënoi 6,38%, nga 5,9% që ishte muajin e mëparshëm, duke shënuar një rritje me rreth 0,4%.
Ky shtrenjtim i normave të huasë ka ardhur kryesisht nga kredia afatshkurtër deri në 6 muaj dhe nga ajo me maturim 1 deri në 3 vjet, që janë rreth 1% më të larta sesa në muajt e mëparshëm. Sipas Bankës së Shqipërisë, në këto katër vitet e fundit tendenca e interesave ka qenë në rënie, diktuar edhe nga politikën monetare lehtësuese të Bankës Qendrore që ka ulur normën bazë të interesit për lekun në nivelin minimale historike prej 1%.
