Ish-deputetja demokrate, Lajla Përnaska, ka dhënë versionin e saj ndaj grave që ndodhen në ditët e sotme në politikë. E ftuar në programin veror “Pushim on Top”, Përnaska u pyet nga Ori Nebiaj mbi rolin e gruas shqiptare në politikë.
Ish-demokratja nuk u kursye teksa i cilësoi gratë e stome që i janë future politikës si kukulla barbi në duar e kryetarëve. Përnaska u shpreh se pavarësisht se është rritur numri I femrave që janë bërë pjesë e politikës ka rënë cilësia e tyre.
“Në gjykimin tim sot është rritur numri i përfaqësimit të grave, por ka rënë cilësia, dhe kjo jo për mungesë të kapacitetit të tyre, por mendoj se kanë krijuar këtë lloj deformimi vetë kryetarët e partive. Ata kanë krijuar një model femëror, që nuk përputhet me kapacitetin që kanë sot gratë, është një model i preferuar nga kryetarët e partive për femrat marjoneta në një term quhen edhe “barbie dolls,”– tha ish-deputetja Lajla Përnaska.
