Ish-drejtori i Përgjithshëm i Bankers Petroleum Albanian (BPAL), Leonidha Cobo është nën hetimin e Prokurorisë Italiane së bashku me italianin Massimiliano Calabro, ish-drejtor Ekzekutiv i kompanisë konsulente “MAB Oil Ltd”. Ata janë páditur në Prokurorinë pranë Gjykatës së Romës, Itali pasi përdorën informacione konfidenciale për përfitime personale.
Bankers dhe MAB Oil Ltd, një kompani e regjistruar në Mbretërinë e Bashkuar, nisën bashkëpunimin në vitin 2009 dhe e përfunduan këtë vit. MAB Oil Ltd ofronte shërbime të marketingut, në shitjen në treg të naftës së papërpunuar të prodhuar nga fusha e Patos-Marinzës. Massimiliano Calabro ishte përfaqësues i “MAB Oil” dhe nga hetimet rezultoi se abùzonte me marrëveshjen për të siguruar fitime personale.
Sipas dosjes hetimore, MAB Oil përmes italianit Calabro urdhëroi dhe ekzekutoi pagesa të konsiderueshme për një periudhë të gjatë për ish-drejtorin e BPAL, Leonidha Cobo, gjatë kohës që kontrata midis MAB Oil Ltd dhe BPAL ishte në fuqi. Të dy rezultojnë të përfshirë edhe në një skemë të palígjshme kundër BPAL duke kryer “taktika” të palígjshme përmes përdorimit të informacionit shumë konfidencial dhe njohuritë që ata kishin nga BPAL për të realizuar objektivin e tyre, për të blerë Bankers.
Nga hetimet u zbulua se janë bashkëthemelues të një kompanie të re të quajtur “Four Force Ventures Energy” përmes të cilës u përpoqën të përdorin informacionin konfidencial të Bankers për interesat e tyre vetjake, por u zbuluan dhe u kallézuan pénalisht, pasi thyen detyrimin e besimit ndaj Bankers. Calabro dhe Cobo përdorën qëllimisht informacionin për të krijuar përfitime personale, duke e vendosur interesin e tyre mbi BPAL.
Ish-drejtorët e tjerë të Bankers Petroleum Albania, Suneel Gupta, Justin Kereluk dhe ish-konsulenti juridik Trent Mercier janë gjithashtu bashkëthemelues të kompanisë së re, Four-Force, të cilët po ashtu kanë shkélur etikën profesionale dhe përgjegjësitë ligjore ndaj Bankers në krijimin e kësaj sipërmarrjeje të re. Akùza e ngritur do të procedohet nga autoritetet në Itali.
Prokuroria në Romë do të hetojë rastin dhe pajtueshmërinë me dispozitat e tatimit mbi të ardhurat, në lidhje me deklaratat tatimore dhe pagesat e konsiderueshme të paligjshme të bëra nga MAB Oil tek ish-drejtori i BPAL Leonidha Cobo gjatë vlefshmërisë së marrëveshjes ndërmjet BPAL dhe MAB Oil vitet 2009-2020.
