Policia e Shtetit, bën me dije se dy zyrtarë të Bashkisë së Kolonjës, janë goditur dhe kanosur për shkak të detyrës nga një 40-vjeçar i dënuar më parë. Policia ka vënë në pranga 40-vjeçarin Ores Malushi. “Në ambientet e Bashkisë Kolonjë, për motive të dobëta, dyshohet se ka kanosur dhe goditur për shkak të detyrës shtetasit E.H, me detyrë Drejtor Kabineti dhe E.Z, me detyrë Shef i Shërbimeve pranë këtij institucioni” informon policia. Ai ka shkuar në bashki ka goditur dyert me shqelma më pas ka goditur Shefin e Kabinetit Erion Ymeri dhe Shefin e shërbimeve Ermal Zylfo.
Është dashur ndërhyrja e policisë Korçë për të ndaluar 40-vjeçarin, i cili ka kundërshtuar me forcë edhe punonjësit e policisë të rendit publik, gjatë shoqërimit të tij për në Komisariat. Autori i ngjarjes ka qenë ish-drejtori i ujësjellësit Kolonjë dhe njihet si njeri me precedentë të mëparshëm penalë. Në 2016 ai kanosi një person me një armë zjarri që e mbante pa leje në kohën kur ishte drejtor ujësjellësi. Malushi qëkurse u ndalua nga policia para disa vitesh ishte i pa papunë dhe si pjesë e Partisë Socialiste burimet thonë se shkonte për të kërkuar punë në bashki. Materialet i kaluan Prokurorisë pranë Gjykatës së Shkallës së Parë Korçë për veprat penale “Kundërshtimi i punonjësit të policisë së rendit publik”, “Goditjet për shkak të detyrës” dhe “Kanosja për shkak të detyrës”‘,-thuhet në njoftimin e plotë të Policisë së Shtetit.
