Anëtari i KLP-së, Bujar Sheshi prej disa ditësh është vendosur në qendër të akuzave të opozitës, teksa konsideorhet një ish-bashkëpunëtor i Sigurimit të Shtetit, çka do të thotë se ligji e ndalon automatikisht të jetë pjesë e institucioneve të reja të ngritura në kuadër të reformës në drejtësi.
Vetë prokurori Sheshi i ka mohuar akuzat, duke i etiketuar si një sulm mafioz nga një pjesë e caktuar e politikës kundër sistemit të drejtësisë, por për çështjen e të njohurit me pseudonimin “Venusi”, kanë nisur zyrtarisht hetimet edhe nga Prokuroria e Përgjithshme.
Ndërkohë, sot grupet parlamentare të PD dhe LSI kanë kallëzuar penalisht Prokuroren e Përgjithshme të Përkohshme Arta Marku në lidhje me çështjen “Sheshi”.
Në dokumentin e depozituar në organin e akuzës kërkohet që të nisë procedimi penal ndaj Arta Markut për shpërdorim detyre lidhur me rastin e Bujar Sheshit, si dhe pezullimin nga detyra të saj.
