Instituti i Shëndetit Publik tregon disa nga shenjat e koronavirusit, ndërsa iu bën thirrje qytetarëve të bëjnë kujdes, si dhe të kërkojnë menjëherë ndihmë mjekësore, nëse i shfaqin ato. Përmes një mesazhi në rrjetet sociale, Instituti i Shëndetit Publik thekson se disa nga shenjat e Covid-19 janë: kollë, temperaturë, ethe, dhimbje muskujsh, vështirësi në frymëmarrje, dhimbje fyti, humbje të shijes dhe nuhatjes. Sipas Instituti i Shëndetit Publik, simptomat variojnë nga të lehta deri në forma të rënda, dhe shfaqen 2-14 ditë pas ekspozimit ndaj virusit Covid-19.
