PETICIONI PER MBROJTJEN E PYLLIT TE SODES eshte dorezuar tashme, (nga grupi i OJFve te perfshira ne kete fushate), ne Bashkine Vlore, Keshillin Bashkiak, Prefekture, Agjensine Kombetare te Zonave te Mbrojtura Tirane, Keshillin e Qarkut Vlore.
TRE KERKESAT KRYESORE TE PETICIONIT JANE SI ME POSHTE:
1- Të merren masa URGJENTE për rehabilitimin dhe përmirësimin e gjendjes mjedisore në pyllin e Sodës. Të vijohet me shpejtësi puna e filluar ditët e fundit me nismën e Prefektit të Vlorës, për pastrimin e drurëve të rrëzuar duke u shtrirë në të gjithë zonën e Pyllit të Sodës. Të pastrohen dhe mblidhen të gjitha mbetjet urbane dhe inertet e hedhura pa kriter dhe të nxirren jashtë zonës duke i dërguar në vendet e depozitimit të Bashkisë, brenda një kohë sa më të shpejtë.
2- Të vihet në zbatim Plani Përgjithshëm Vendor për përmirësimin e infrastruktures në Pyllin e Sodës për ta kthyer në një park rekreativ për shplodhjen, argëtimin dheaktivitetet sportive të qytetarëve. Për këtë qëllim, kërkojmë të vendosen stola, të pastrohen shtigjet, të krijohen korsi për vrapim etj. Në Planin e Përgjithshëm Vendor, në kategorinë AR.4 (zonat shplodhëse periurbane) është parashikuar shprehimisht zhvillimi i Pyllit bregdetar të Sodës në një pyll estetik .
3- Duke marrë në konsiderate këtë vlerë natyrore pranë qytetit tonë për zhvillimin e turizmit, mirëqënien e qytetarëve, vlerat e biodiversitetit dhe të mbrojtjes nga ndryshimet klimatike, kërkojmë nga Bashkia Vlorë, të propozojë shpalljen e kësaj zone pjesë të kurorës së gjelbërt të qytetit tonë. Bazuar në VKM 689 datë 23 tetor 2019, për Miratimin e kritereve dhe të procedurave të shpalljes së kurorës së gjelbër dhe përcaktimin e rregullave e të përgjegjësive në lidhje me administrimin, mbrojtjen dhe ruajtjen e saj (Neni 1, pikat 2 dhe 3; Neni2, pika 1 dhe 2; Neni2,pika 4, Neni 3) Bashkia Vlorë të fillojë procesin e nismës ligjore për ti propozuar Këshillit të Ministrave shpalljen e Pyllit të Sodës, “kurorë e gjelbër”. Ne vlerësojmë se ky status për këtë zone pranë qytetit të Vlorës do të ndihmojë jo vetëm në mirëmenaxhimin dhe administrimin e saj, por do të kontribuojë edhe në ruajtjen dhe mbrojtjen e këtij pylli në tërësi në gjendjen natyrore që ka.
National Resource Centre for Civil Society in Albania, ACPD Albania, #empoweringCSOs, Administrata rajonale e zonave te mbrojtura.Prefekti i Qarkut Vlorë Peticionin e plote e gjeni bashkangjitur.
