Izraeli ka filluar të lehtësojë kufizimet e bllokimit pasi studimet atje zbulojnë se vaksina Pfizer është 95.8% efektive në parandalimin e shtrimeve në spital dhe vdekjes së njerëzve.
Nga e diela, dyqanet, bibliotekat dhe muzetë mund të hapen, por distancimi shoqëror dhe maskat do të jenë ende obligative, raporton BBC. Ministria e Shëndetësisë atje thotë se është faza e parë e kthimit në jetën normale.
Izraeli ka shkallën më të lartë të vaksinimit në botë. Më shumë se 49% e njerëzve kanë marrë të paktën një dozë. Vendi hyri në bllokimin e tretë më 27 dhjetor pas shpërthimit të virusit.
Nën masat lehtësuese, njerëzit tani janë në gjendje të hyjnë në qendrat tregtare dhe atraksionet turistike, të tilla si kopshtet zoologjike.
