Të ardhurat e mbledhura në buxhetin e shtetit gjatë katërmujorit të parë të vitit 2020 llogariten 133 miliardë lekë. Sipas raportit mbi treguesit fiskalë të publikuar nga Ministria e Financave dhe Ekonomisë, të ardhurat e mbledhura gjatë katër muajve janar, shkurt, mars, prill rezultojnë me një ulje prej gati 5 miliardë lekësh krahasuar me të ardhurat e mbledhura për katërmujorin e parë të 2019-s, ku u mblodhën 149.2 miliardë lekë në buxhet. Ulja e të ardhurave erdhi për shkak të masave të ndërmarra për të frenuar përhapjen e infeksionit COVID-19.
Nga tatimet dhe doganat gjatë 4-mujorit të 2020-s, u mblodhën 85.5 miliardë lekë, ndërsa nga pushteti vendor 5.6 miliardë lekë. Ndërkohë shpenzimet e realizuara gjatë kësaj periudhe llogariten 146.6 miliardë lekë nga 549.3 miliardë lekë që planifikohet të shpenzohen gjatë këtij viti. Gjatë katërmujorit të parë të 2019-s u shpenzuan 146.2 miliardë lekë.
