Categories Lajme

Jepen masat e sigurisë për katër punonjësit e Bashkisë Korçë që i shkaktuan shtetit dëm ekonomik mbi 30 milionë lekë

Janë ekzekutuar masat e sigurisë “pezullim nga detyra” dhe detyrim për t’u paraqitur në policinë gjyqësore për katër punonjësit e Bashkisë Korçë, Zh. L., E. Gj., O. P., dhe S. P., të cilët akuzohen se favorizuan ndërtuesit e komplekseve luksoze me taksat.

Gjykata e Korçës, me vendimin e datës 26 mars 2024, ka caktuar këto masa sigurie për 4 shtetasit pasi dyshohet se kanë shpërdoruar detyrat për të favorizuar subjekte të ndryshme, për mospagimin e taksës së ndikimit në infrastrukturë për ndërtimet e reja.

Nga hetimet ka rezuktuar se kjo paligjshmëri iu ka sjellë subjekteve përfitime të padrejta monetare dhe i ka sjellë shtetit dëm ekonomik me vlerë mbi 30 milionë lekë.

“Personat nën hetim, dyshohet se kanë favorizuar në mënyrë të paligjshme dhe me qëllime përfitimi individual subjekte dhe individë të veçantë, duke llogaritur në mënyrë të paligjshme taksën e ndikimit në infrastrukturë për ndërtimet e reja dhe komplekset e luksit në lagjet 1, 2, 3 11, 12 të qytetit të Korçës në masë më të ulët se sa duhej të paguhej në bazë të ligjit 107/2014, VKM 408, datë 13.05.2018 apo dhe Vendimeve të Këshillit Bashkiak për periudhën 2020-2023, duke shpërdoruar detyrën dhe duke dëmtuar rëndë interesat e ligjshëm të shtetit”, informoi Prokuroria.

Njoftimi i policisë:

Ekzekutohen masat e sigurisë “Pezullimi i ushtrimit të një detyre a shërbimi publik” dhe “Detyrimi për t’u paraqitur në policinë gjyqësore”, për 4 funksionarë të bashkisë Korçë.

Masat e sigurisë, rezultat i hetimit të ndjekur për 16 muaj, nga Policia dhe Prokuroria e Korçës, mbi akuza për shpërdorim të detyrës dhe moskallëzim të krimit.

Specialistët e Seksionit për Hetimin e Krimeve Ekonomiko-Financiare të Drejtorisë Vendore të Policisë Korçë, pas një hetimi intensiv 16-mujor, të kryer në drejtimin e Prokurorisë së Korçës, ekzekutuan masat e sigurisë “Pezullimi i ushtrimit të një detyre a shërbimi publik” dhe “Detyrimi për t’u paraqitur në policinë gjyqësore”, për shtetasit:

-Zh. L., 61 vjeçe, banuese në Korçë, me detyrë Drejtoreshë e Drejtorisë së Planifikimit dhe Kontrollit të Zhvillimit të Territorit, në bashkinë Korçë, e dyshuar për veprën penale “Shpërdorimi i detyrës”;

-E. Gj., 52 vjeç, banues në Korçë, me detyrë Përgjegjës i Sektorit pranë Drejtorisë së Planifikimit dhe Kontrollit të Zhvillimit të Territorit, në bashkinë Korçë, i dyshuar për veprën penale “Shpërdorimi i detyrës”;

-O. P., 37 vjeç, banues në Korçë, me detyrë Specialist Buxheti në këtë drejtori, i dyshuar për veprën penale “Shpërdorimi i detyrës”;

-S. P., 44 vjeç, banues në Korçë, me detyrë Drejtor i Drejtorisë së Taksave dhe Tarifave Vendore në bashkinë Korçë, i dyshuar për veprën penale “Moskallëzimi i krimit”.

Gjykata e Shkallës së Parë të Juridiksionit të Përgjithshëm Korçë, me vendimin e datës 26.03.2024, ka caktuar këto masa sigurie për 4 shtetasit, sepse dyshohet se kanë shpërdoruar detyrat për të favorizuar subjekte të ndryshme, për mospagimin e taksës së ndikimit në infrastrukturë për ndërtimet e reja. Nga hetimet rezulton se kjo paligjshmëri iu ka sjellë subjekteve përfitime të padrejta monetare dhe i ka sjellë shtetit dëm ekonomik me vlerë mbi 30 milionë lekë.

Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Korçë, për veprime të mëtejshme.

Leave a Reply

Adresa juaj email s’do të bëhet publike. Fushat e domosdoshme janë shënuar me një *

Lexoni Gjithashtu

Categories Lajme

U vra ndërsa pinte kafen në Memaliaj, vëllai i Marsel Çelës paralajmëron vetëgjyqësi: Të gjenden autorët!

Tre të vrarë dhe një i plagosur është bilanci i një atentati të ndodhur mbrëmë që…

LEXO ME SHUME
Categories Lajme

Po lundronte me Jet Ski në liqenin e Vuat të Dejës bashkë me dy vajzat , 54-vjeçari humb kontrollin dhe përplaset me shkëmbin

Një aksident i frikshëm ka ndodhur në liqenin e Vaut të Dejës, ku një 54-vjeçar…

LEXO ME SHUME
Categories Lajme

Masakra në Memaliaj, flasin banorët: Jemi të tronditur! Të vriten tre veta kot….!

Banorët e Memaliajt në një prononcim për mediat shprehen se janë të tronditur për atentatin…

LEXO ME SHUME
Categories Lajme

Plagosi me thikë një grua, prangoset 33-vjeçari

Policia ka vënë në pranga një 33-vjeçar, i cili ditën e djeshme dyshohet se plagosi…

LEXO ME SHUME
Categories Lajme

Të shtëna me armë zjarri pranë një lokali në Tale të Lezhës, një i plagosur

Një person ka mbetur i plagosur në Tale të Lezhës. Sipas informacioneve paraprake dyshohet se…

LEXO ME SHUME