Organizata Botërore e Shëndetit ka shpallur gjendjen e emergjencës botërore, për shkak të shpejtësisë me të cilën po përhapet coronavirusi. Shumë vende kanë mbyllur kufijtë me Kinën, në mënyrë që të shmangin përhapjen e këtij virusi vdekjeprurës. Po kështu po punohet intensivisht për krijimin e vaksinës kundër virusit, por sipas shkencëtarëve, kjo vaksinë mund të jetë gati pas 8 ose 12 muajsh. Së fundmi, Komisioni Kombëtar i Shëndetit në Kinë i ka ndryshuar emrin coronavirusit të Whanit. Kjo pasi njerëzit, banorët e Whanit e kanë parë diçka të tillë si jo të drejtë për ta dhe stigmatizuese.
Sipas zyrtarëve kinezë, u deklarua që virusi përkohësisht do të quhet Pneumonia Novel Coronavirus, ose NCP. Por akoma nuk është publikuar asnjë lajm se kur do të përcaktohet emri definitiv i virusit vdekjeprurës që ka shpërthyer në Whan.
