Britania e Madhe do të mbetet e hapur për emigracionin pas Brexit, por liria e lëvizjes për qytetarët e BE do të përfundojë dhe hyrjet do të filtrohen përmes një sistemi pikësh, sipas modelit australian, që do të privilegjojë cilësitë e atyre që kërkojnë të hyjnë, pa asnjë dallim midis qytetarëve europianë dhe atyre joeuropianë, deklaroi kryeministri Boris Johnson.
“Njerëzit kanë më shumë rëndësi sesa pasaportat”, tha Johnson duke theksuar se sistemi i ri do të hyjë në fuqi në vitin 2021, në fund të fazës së tranzicionit pas Brexit, dhe se “do të jetë më i drejtë sepse do të trajtojë të gjithë (migrantët) në të njëjtën mënyrë, ngado që vijnë”.
Për Britaninë e Madhe migracioni është kthyer në një problem shqetësues.
Pritet që pas Brexit vendi të krijojë legjislacion të ri për lejimin e migrantëve të huaj, por edhe një sistem të ri për qytetarët e BE-së.
