Deputetja e PD Jorida Tabaku, u ka bërë thirrje anëtarëve të Bordit të Entit Rregullator të Energjisë, që të tërhiqen nga aplikimi i fashës orare 800 kWh, në mënyrë që të mos rriten çmimet për familjarët dhe bizneset.
“Mos rritja e cmimit te energjise elektrike per konsumatoret familjare dhe per bizneset. Mos te kalohet pesha e rritjes se energjise elektrike tek familajret sidomos per periudhen e vjeshtes dhe dimrit kur parashikohet rritja e prodhimit hidrik ne vendin tone.
Kalimi i peshes se rritjes se cmimeve tek buxheti i shtetit duke administruar me mire kompanite shteterore si OSHE, OST, FSHU, KESH duke audituar plotesisht bilancet e tyre dhe praktikat e tyre.
Taksimi me takse ekstra te kompanive qe kane dhene energji elektrike me cmime te larta ne kohe krize (windfall tax) nje menyre taksimi qe e perdorin vendet e BE (Gjermania, Italia por edhe vete BE) sikunder dhe Mbreteria e Bashkuar. Sidomos te kompanive hidrike qe kane perfituar nga rritja e cmimeve edhe pse nuk prodhojne energjine elektrike permes gazit”, ishin disa nga propozimet e Tabakut.
