Nga Edi Rama/ JOSIF GJIPALI është një ndër zërat kumbues të Shqipërisë në skenat e mëdha të botës operistike. Ai e nisi nga Vlora rrugëtimin për ta pushtuar atë botë.
Shqipëria, ku Josifi u afirmua fuqishëm si një tenor i klasit të parë, u bë shpejt shumë e vogël për fuqinë magjepsëse të zërit të tij, që mbërriti deri në tempullin botëror të La Scala-s, në Milano, e u përhap në skenat më prestigjoze të disa kontinenteve, duke marrë vlerësime të admirueshme nga kritika e muzikës operistike.
Sot, Josif Gjipali mbush 47 vjeç dhe duke i uruar të qëndrojë sa më gjatë në majat e artit të tij, uroj që të tjerë akoma ta ndjekin në vazhdën e një historie të bukur yjesh shqiptarë plot shkëlqim në skenën e botës
