Kryeministri Edi Rama ka zhvilluar një bisedë me italianët që jetojnë në Vlorë prej vitesh. Në këtë bashkëbisedim nuk kanë munguar as ndeshja e Champions League, ku Juventus humbi një natë më parë ndaj Portos, edhe pse me një rezultat të ngushtë.
Shtetasi italian ndërkohë gjatë fjalës së tij ka deklaruar se “shoh që jeni me Juventus se keni veshur xhupin, edhe unë jam po për fat të keq mbrëmë humbi në ndeshjen Champions. Dje vuajtja shumë, shpresojmë për një të ardhme më të mirë, nuk do të bëj kritika pë trajnerin Pirlo”, iu drejtua italiani, i cili kërkoi të dinte se çfarë do të bëjë Rama për të huajt që mund të votojnë në të ardhmen pasi të marrin nënshtetësinë.
Ai u shpreh se mezi presin aeroportin e Vlorës që do të ndihmonte shumë zhvillimin e biznesit dhe turizmin.
“Është kënaqësi që mund edhe të bashkëndajmë edhe dhimbjet si tifozë juventin, në këtë periudhë shumë të ndjeshme. por une mendoj së Juventusi ka aftësi dhe kapacitet të rilindë atëherë kur askush nuk e pret dhe kur të gjithë armiqtë e shumtë e shohin si të humbur”, ia ktheu Rama.
