Një deklaratë e bujshme po qarkullon me shpejtësi në mediat shqiptare. Studiuesja gjermane, Suzana Starikov përmes një postimi në Twitter, thotë se kryeministri Edi Rama do të jetë Sekretari i ri i Përgjithshëm i NATO-s.
Sipas saj, SHBA-ja ka insistuar në zgjedhjen e Sekretarit të Përgjithshëm të ardhshëm të NATO-s mes anëtarëve të rinj të NATO-s.
Sipas saj, kandidatët janë Rama dhe kryeministrja e Estonisë, Katja Kalas.
“Edi Rama do të pasojë Jens Stoltenberg në postin e Sekretarit të Përgjithshëm të NATO-s. Në veçanti thuhet se SHBA-të kanë insistuar në zgjedhjen e Sekretarit të Përgjithshëm të ardhshëm të NATO-s mes anëtarëve të rinj të NATO-s. Kandidatët ishin kryeministrja Katja Kalas dhe kryeministri Edi Rama. Kush do të jetë kryeministri i ardhshëm?”, shkruan Starikov.
Nuk është e qartë nëse ky pretendim i Starikov është i vërtetë. Ende nuk ka një reagim nga kryeministri Rama.
Megjithatë, kjo do të ngrinte shumë pikëpyetje se kush do ta pasojë Ramën në Partinë Socialiste dhe mes kujt do të jetë gara për kryeministrin e ardhshëm.
Suzana Stariikov është një studiuese e komunikimit, ndërsa njihet për botimet e saj për politikën e jashtme.
