Policia ka ndaluar dy të rejat, në Portin e Durrësit pasi po tentonin të kalonin kufirin me dokumente të falsifikuara që mbanin shtetësinë sllovene. A.R., 26 vjeçe, banuese në Prishtinë, Kosovë dhe K. R., 23 vjeçe, banuese në Prishtinë, Kosovë janë ndaluar nga autoritetet portuale ndërsa rëndojnnë akuzat për veprat penale “Falsifikimi i letërnjoftimeve, i pasaportave ose i vizave” dhe “Falsifikimi i vulave, i stampave ose i formularëve”.
Informacion paraprak:
Nga specialistët për Hetimin e K.r.imit Ekonomik e Financiar në Drejtorinë Vendore Durrës, në bashkëpunim me shërbimet e Policisë Kufitare në Portin e Durrësit, u bë arr.estimi në flagrancë i shtetaseve:
-A. R., 26 vjeçe, banuese në Prishtinë, Kosovë;
-K. R., 23 vjeçe, banuese në Prishtinë, Kosovë;
Arrestimi i tyre u bë pasi më datë 11.12.2019, në P.K.K Port, Durrës, kanë tentuar të kalojnë kufirin me dokumente sllovene, të dyshuara si të falsifikuara. Materialet i kaluan Prokurorisë së Rrethit Gjyqësor Durrës, për veprat penale “Falsifikimi i letërnjoftimeve, i pasaportave ose i vizave” dhe “Falsifikimi i vulave, i stampave ose i formularëve”.