Në orët e para të mëngjesit të sotëm, policia ka kapur një sasi lënde narkotike prej 75 kilogram lënde narkotike CanabisSativa në hyrje të qytetit të Sarandës . Lënda ka qënë në bagazhin e një automjeti tip Mercedes Benz me targa të huaja .

Pas verifikimeve të kryera nga gjurmët e gishtave të gjetura në timon , ka rezultuar se drejtuesi i automjetit ka qënë 40 vjeçari Ermal Hysi nga qyteti i Fierit .

Ai ka arritur ti shpëtoj edhe njëherë kapjes nga forcat e rendit duke u zhdukur në errësirë ,ndoshta i ndihmuar dhe nga bashkëpunëtorë të tjerë.

Policia ka nisur kontrollet në të gjithë zonën por nuk ka arritur dot ta kapin. Ai është klasifikuar si një prej kriminelëve më të rrezikshëm për sa i përket trafikimit të lëndëve narkotike.

Burime nga policia bëjnë të ditur se emri i 40 vjeçarit është përfolur në çështje të ndryshme që lidhen me trafikun e lëndëve narkotike, kjo dhe për faktin se ka arritur që të shpëtojë gjithmonë pa u arrestuar, ashtu si në rastin e fundit.