54-vjeçari me banim në Vlorë eshte kapur nga policia e Tiranës i cili kishte kryer një numër të konsiderueshëm të vjedhjes së portofolave në kryeqytet. Pas një hetimi disa mujor blutë e kryeqyteti arritën të identifikonin “xhepistin”, shtetasin me iniciale Gj. S., si dhe të dokumentonin 4 grabitje të ndodhura prej tij në një periudhë të shkurtër kohe.
Sipas policisë 54-vjeçari më datë 24.08.2020, ka vjedhur portofolin e shtetases A. S. Më datë 29.07.2020, ka vjedhur portofolin e shtetases M. M. Më datë 05.06.2020, ka vjedhur portofolin e shtetases E. G. Më datë 08.03.2020, ka vjedhur portofolin e shtetases E. B.
Njoftimi i plotë i policisë: Finalizohet nga Komisariati i Policisë nr. 2, operacioni policor i koduar “Portofolat”.
Kapet dhe ndalohet një 54-vjeçar me precedent penal të mëparshëm, i dënuar katër herë për vjedhje. Zbardhen dhe dokumentohen 4 raste të vjedhjeve me forcë të portofolave.
Shërbimet e Komisariatit të Policisë nr. 2, në vijim të punës për parandalimin, evidentimin dhe zbardhjen e rasteve të vjedhjeve të pronës dhe vënien para përgjegjësisë ligjore të autorëve, si rezultat i punës hetimore dhe profesionale, siguruan prova ligjore për autorësinë e disa vjedhjeve me forcë të portofolave.
Bazur mbi provat e siguruara dhe lokalizimit të vendndodhjes së autorit të dyshuar, u organizua dhe finalizua operacioni policor “Portofolat”, në kudër të të cilit u kap dhe u ndalua shtetasi Gj. S., 54 vjeç, banues në Vlorë, i dënuar 4 herë më parë për veprën penale “Vjedhja”. Nga tërësia e veprimeve hetimore të kryera ka rezultuar se ky shtetas është autor i vjedhjeve të disa portofolave konkretisht:
Më datë 24.08.2020, ka vjedhur portofolin e shtetases A. S. Më datë 29.07.2020, ka vjedhur portofolin e shtetases M. M. Më datë 05.06.2020, ka vjedhur portofolin e shtetases E. G. Më datë 08.03.2020, ka vjedhur portofolin e shtetases E. B. Vijon puna për dokumentimin e vjedhjeve të tjera të ndodhura në Qarkun e Tiranës, në të cilat mund të jetë i implikuar ky shtetas. Materialet i kaluan Prokurorisë së Rrethit Gjyqësor Tiranë, për veprime të mëtejshme .
