9669 qytetarë kanë shkarkuar aplikacionin ‘STOP INFORMALITETIT’ nga ku janë bërë qindra denoncime nga qytetarët për biznese të ndryshme, nisur nga karburantet, markete e deri tek shtëpitë e pushimit që marrin para qytetarëve dhe nuk janë të regjistruar.
Kryeministri Rama ka shpërndarë edhe disa nga bizneset për të cilët ka nisur verifikimi pas 665 rasteve të shkeljeve të denoncuara nga qytetarë. Sipas Ramës puna për verifikimin e denoncimeve do të vijojë me intensitet të lartë paralelisht me zbatimin e planit operacional ‘Zero Tolerancë’.
Kjo fushatë e programit ‘Stop Informaliteti’ vjen në kuadër të aksionit anti-informalitet të ndërmarrë në të gjithë vendin ku janë bllokuar pika të bizneseve ‘VIP’ pa dallim si dhe një mori subjektesh të shtrira në vijën bregdetare që zhvatnin pushuesit.
“9669 qytetarë kanë shkarkuar aplikacionin STOP INFORMALITETIT dhe puna për verifikimin 665 e rasteve të denoncuara deri tani, ka vijuar intensivisht, paralelisht me zbatimin e planit operacional #ZeroTolerancë ndaj abuzuesve.
Aplikacioni STOP INFORMALITETIT gjendet në App Storehttps://apps.apple.com/…/a…/stop-informalitetit/id1476196781 ose në Play Store https://play.google.com/store/apps/details…
Shkarkoje dhe ti nëse s’e ke bërë ende dhe jep kontributin tënd në këtë luftë, duke denoncuar çdo shfaqjen abuzimi me ligjin, në treg a në punë.
Denoncimi është i fshehtë dhe konfidencialiteti i të dhënave të tua 100% i garantuar.
Faleminderit kujtdo që bëhet pjesë e kësaj përpjekje sa të vështirë, aq të domosdoshme për Shqipërinë që duam” ka shkruar Rama.
