Vendi ynë ditëve të fundit është përfshirë sërish nga një valë të nxehti pas ditëve përvëluese të korrikut. Sipas IGJEUM, ditën e nesërme ( e diel, 11 Gusht) temperaturat do të jenë shumë të favorshme për të gjithë ata që duan të shkojnë në plazh.
Temperaturat minimale dhe maksimale të ajrit pritet të arrijnë:në bregdet: 22 / 32 °C; në vendet e ulëta: 21/ 37 °C, ndërsa në vendet malore: 18 / 32 °C. Era do të fryjë e lehtë deri mesatare në gjithë vendin.
Për sa u përket zjarreve nesër rrezik “I LARTË’’ në qarqet Fier dhe Vlorë, Berat (Jug-Perëndim), Dibër (Lindje- Perëndim), Gjirokastër (Veri-Lindje, Jug) dhe rrezik “I MODERUAR’’ në qarqet e tjerë.
Kujtojmë se në qarkun e Fierit, Pukës dhe Shkodrës ka patur problematike të theksuar me zjarret ku janë djegur disa hektarë, yllishte e pyje.
